يعنى ايه مصر (2)

- يعنى ايه مصر ...يعنى ان حسام حسن يدرب المصرى ويقول ان الحكام واتحاد الكورة بيضطهدوا نادى المصرى وحسام حسن نفسه يدرب الاتصالات واتحاد الكورة والحكام برده عايزين ينزلوا الاتصالات وحسام حسن بيدرب الزمالك وهما دول الحكام واتحاد الكورة اللى برده مستقصدين الزمالك.

- يعنى ايه مصر ...يعنى كل الحوادث والجرائم ينفذها شخص واحد وهو مختل عقليا.

- يعنى ايه مصر يعنى تذاكر خمس سنين هندسة وتشتغل تباع على ميكروباص علشان السواق بكالوريوس علوم.

- يعنى ايه مصر ... يعنى تمشى مع كل بنات الجامعة وعايز تتجوز واحدة تكون انت أول واحد فى حياتها.

- يعنى ايه مصر ..... يعنى تكون عاطل ومش لاقى تاكل وعايش على حس أبوك ومعاك موبايل بأربع كاميرات وميوزك بلاير وواى فاى.

- يعنى ايه مصر .....يعنى توصل قريبك المطار وتسلم عليه ويتصل بيك وانت فى كمين على الدائرى ويقولك انا وصلت لندن.

- يعنى ايه مصر ... يعنى تقابل أمين الشرطة وتقوله ازيك يا باشا.

- يعنى ايه مصر .... يعنى اللى يغنى يمثل واللى يمثل يقدم برامج واللى يقدم برامج يبقى عضو فى الحزب الوطنى واللى يبقى عضو فى الحزب الوطنى يتخانق مع مرتضى منصور واللى يتخانق مع مرتضى منصور يبقى زى احمد شوبير.

- يعنى ايه مصر ... يعنى محمد ابراهيم سليمان يتهم بالفساد واستغلال المنصب ووزير البترول يعينه رئيس شركة بترول.

- يحدث فى مصر فقط .... وزير الصحة يعالج زوجته على نفقة الدولة بقيمة 2 مليون جنيه معظمها جراحات تجميلية.

- يعنى ايه مصر .... يعنى تبعت رسالة كلمنى شكرا لرقم غلط من غير متقصد فيبعتلك كل يوم خمس رسايل من نوع الحب من غيرك هم والحياة من غيرك غم.

يعنى ايه مصر (1)

- الليلة الكبيرة طال وقتها والعرائس ما زالت تتحرك.



- المواطن مصرى لأنه يشتكى من كل شىء وأى شىء مهما اختلف مستوى المعيشة فلا فرق بين العاطل والموظف المطحون ومدير الشركة وصاحب رأس المال فكلهم يشتكون من نفس الاشياء من الزحمة والمرور والحكومة والمركزية الشديدة وضرورة التغيير.



- لجنة الزبالات.



- يعنى ايه مصر يعنى أن كل مصرى يعتبر نفسه أفضل شخص فى البلد ولهذا السبب فبلادى هى الأفضل من كل الوجوه.



- أنا مصرى لأنى أحب أن احتفظ ببعض الحقائق لأظهرها للشارع العام فى وقت ما يخدم مصالحى.



- يعنى ايه مصر .. يعنى مع انك فى سنة 2010 لسه جميع قنوات التليفزيون بتقول الجماعة المحظورة.



- يعنى ايه مصر ... يعنى الزمالك يفاوض شبيطة والاهلى يفاوض احمد غانم سلطان وشبيطة لا يمكن يروح الزمالك واحمد غانم لايمكن يروح الاهلى فتلاقى شبيطة فى الزمالك وغانم فى الاهلى.



- يعنى ايه مصر ....يعنى نفضل نسب ونشتم فى شيخ الازهر طول عشر سنين وفى الاخر يموت ويدفن فى البقيع.

ممكن رسالة

احصائية لشركات المحمول

المصريون أنفقوا 37 مليون جنيه قيمة رسائل خلال شهر رمضان

.

.

هوة احنا نقفلها شوية فى الكلام

تخر من الرسايل

..

.

مش بفهم بس

مستشفيات مصر تحتاج ولو مليون جنيه.....

ما يحدث يدل على شىء واحد

.

.

أن الموازين مقلوبة

عاجل

وبينما أنا أشاهد التليفزيون

طالعتنى تلك الكلمة

عاجل

فتهيأت لاستقبال الخبر المهم

فى الغالب يكون الخبر اما حادثا ارهابيا أو كوارث طبيعية أو خطاب هز العالم

ولكن فالمكتوب كان

" الرئيس مبارك يطالب بحل نهائى للقضية الفلسطينية "

ما العاجل فى هذا

فطول ما انا على قيد الحياة يطالب بهذا

وحتى بعد ما أموت

فهناك أناس يفكرون فى أن سيادته يمكن أن يترشح لرئاسة جديدة

نفس الكلمات

نفس العناوين

نفس الزيارات التاريخية

وبرده

الحالة هى هى

وربما أسوأ

سأله المذيع عن ما حققه خلال سنوات حكمه؟

أجاب:

البلد ما كانش فيها حاجة خالص

عملنا مجارى

عملنا كبارى

عملنا طرق

ووصلنا المية والكهربا

والله حراااام

احنا مانستاهلش كل ده

1000 مبروك

كنت أظن أن اسف على الازعاج الافضل على الاطلاق

ولكن فى..

1000 مبروك

قدم أحمد حلمى أروع أفلامه حتى الان

من المرات القليلة التى أدخل فيها سينما وأخرج بفكرة

الفيلم أثار السؤال الملح

" هل الانسان مسير أم مخير "

وأثبت الفيلم أن الانسان مخير فى جميع أفعاله ومسير فى أوقات معينة كالميلاد والموت

نجح بطل الفيلم أن يغير كل شىء ما عدا قدره ألا وهو الموت

وعرض الفيلم أنه ما دامت نهاية الانسان واحدة فلماذا سوء المعاملة مع المجتمع

أن تكون غائبا حاضرا خير لك من أن تكون حاضرا غائبا

أعجبتنى الفكرة جدا وان كانت مقتبسة

أحمد حلمى ....

هتعمل ايه اكتر من كدة؟

اخبطوا دماغكو فى الحيط

أصدرت المحكمة الإدارية العليا، ثلاثة أحكام مهمة فى ثلاث قضايا شغلت الرأى العام طوال الفترة الماضية.
قضت المحكمة فى حكمها الأول بوقف تنفيذ حكم القضاء الإدارى بمنع تصدير الغاز المصرى لإسرائيل، وقبلت الطعن الذى تقدمت به الحكومة لإلغاء الحكم.

وألغت المحكمة، فى حكمها الثانى، حكم القضاء الإدارى الخاص بمنع تواجد قوات الأمن داخل الحرم الجامعى، موضحة أن حكم القضاء الإدارى تطرق إلى شأن آخر لم يرد فى طلبات المدعين الأصلية.
وأوقفت، فى حكمها الثالث، تنفيذ حكم السماح لقوافل الإغاثة والمساعدات الإنسانية بالدخول إلى قطاع غزة، إلا عبر القنوات الشرعية، مؤكدة أهمية احترام سيادة الدولة على إقليمها وحدودها.

ولا أقولكوا اشربوا من البحر......

عائد من الموت

عائد الى بيتى

السيارات تطير من جانبى

أو على مايبدو سيارتنا هى التى تطير

يمرق بصرى على سطح مياه النيل

اتذكر شهداء بلدى الغرقى

فالمكان قبل اسبوع كان قبرهم

شباب وفتيات فى العشرينات

راحوا ضحية سائق متهور

تمتمت بدعاء لهم

عسى ربى ان يرحمهم

أمليت نظرى على ورقة

كتبت فيها كلمات

جمال بخيت يطلب مساعدة

صورلى غرقى العبارة

ملهومش حد ينجيهم

غرقوا بحاضرهم وماضيهم

رفعت نظرى على الطريق

اقتربت كثيرا من بيتى

سرعة جنونية تحملنى

سيارة فى الاتجاه المعاكس تقترب

سرعتنا تزداد

لسانى يقول الحمد لله

اصطدام قوى

طارت السيارة أما عينى

انقلبت على الكرسى الامامى

فتح الباب

خرجت من بين الناس

الرجل محمولا على ايدى الناس

فاقد الوعى

قد كتب لى ربى الحياة

هذه المرة قد عشت

ولكن مئات غيرى يموتون

وسيموتون

فالخطأ كان وسيتكرر

ما دام صاحبه يعيش