السيد أحمد عز
كعادته ظهر متألقا ببدلته والكرافت اللى على أخر موضة
ظهر مع الست منى الشاذلى
متكلما عن الاحتكار وارتفاع أسعار الحديد
وأطلقت الست منى الله يسترها
( أو منها لله مش عارف أقول ايه )
سيلا من الاتهامات والمخالفات اللى الواحد كان نفسه يقولها
ولكن
يا ليتها لم تفعل
فقد أستقبل السيد عز ببدلته دى هذه الانتقادات ورد عليها بكل ثقة
وحولها من نقاط ضده الى نقاط لصالحه
بصراحة
أنا اتعاطفت معاه
ونسيت سعر طن الحديد اللى وصل 8 الاف جنيه
وكنت هاتصل بيه وأقوله
" ربنا معاك يا ابنى "
زى ما أمينة رزق قالت لأحمد زكى فى فيلم ناصر 56
كلامه دخل نافوخى من غير ما أحس
قمت بسرعة دورت على قناة تانية
بطولة الويمبلدون
أحسن بكتير
أنا خفت على نفسى من الراجل ده
.
.
مش بفهم سياسة بس
من وضع أحمد عز فى هذا المكان
يجب أن يصنعوا له تمثالا من ذهب
لا دهب ايه
تمثالا من حديد
أحسنتم الاختيار
وعلى الشعب اللجوء لله
ليست هناك تعليقات:
إرسال تعليق