انتشرت فى الفترة الاخيرة لافتات اعلانية بعنوان
نحكم عقلنا
اللافتات لها تنسيقات مختلفة
.
" نحكم عقلنا هنشرب كلنا
نحكم عقلنا هنأكل كلنا
نحكم عقلنا نتعالج كلنا
نحكم عقلنا هنتعلم كلنا
نحكم عقلنا نستريح كلنا "
.
وفى كل لافتة يظهر الفكر الرئيسى المطلوب توصيله للناس
" قبل ما نزيد مولود .. نتأكد إن حقه علينا موجود "
.
الفكر الجديد المستنير خلص إلى أن مشكلة البلاد الرئيسية هى المورد البشرى
ملحوظة : تكمن قوة الصين فى مواردها البشرية
ملحوظة أخرى : الفارق أن الصين تعرف كيف تستخدم مواردها البشرية فى تحقيق التنمية
.
نعود
لم يخطر ببال أصحاب الفكر الجديد أن المشكلة الرئيسية لا تكمن فى الزيادة السكانية
ولكن تكمن فى عدم العدالة فى توزيع الحقوق والتى جعلت من الفقير ( معدما ) ومن الغنى ( جبارا )
ليست المشكلة فى عدد السكان
المشكلة فى من يوجهون السكان
.
أخيرا جاء اليوم الذى يتدخل فيه أصحاب الفكر الجديد فى خصوصيات الناس
- يعنى ايه يا سعادة الباشا ؟
- انت مش بتفهم !!
- مش واخد بالى ؟
- يعنى يا خفيف قبل ما تعمل أى حاجة لازم تاخد موافقة رسمية على إنك تخلف وتتأكد إن اللى هاييجى فى الطريق ده مكانه موجود
وإلا هييجى مش هيلاقى مكان , فهيضطر يقف!
- طرررررااااااااااااااااااااخ.
مش بفهم بس ....
نتقى ربنا , هناكل كلنا
نتقى ربنا , هنتعلم كلنا
نتقى ربنا , هنشرب كلنا
نتقى ربنا , هنستريح كلنا
ليست هناك تعليقات:
إرسال تعليق